脈步軌跡脈衝

關於這個活動

「脈步 Trail Pulse」 係一間以越野跑為核心、重視心靈與身體連結嘅跑會與訓練平台。我們相信：跑步唔只係運動，而係一種生活方式，一種陪你行過高山低谷嘅信念。 「Trail Pulse」象徵心跳與腳步——跟住自己嘅節奏，在山徑上自由奔跑、專注當下。透過系統化心率訓練、越野技術與肌力（S&C）訓練，我哋嘅學員由建立基礎耐力，到準備 50K、100K 甚至 100 Miles 嘅長距離賽事，同時照顧跑姿、恢復同預防受傷等細節。 「Trail Pulse」亦希望以越野跑連結社區，特別係年青人——透過訓練同活動，幫助佢哋肯定自我價值，學習堅持，勇於追尋自己嘅夢想；同時，我哋亦關心弱勢社群，期望以跑步為媒介，為社會帶來多一點正面能量。 「Trail Pulse」由精英越野跑手兼《有種信念叫越野跑》的作者曾小強 Stone 帶領，結合比賽實戰經驗與教學經驗，課堂不只教「點樣跑得快」，更加著重「點樣跑得長久、跑得開心」。無論你係初次踏足山徑，定係有目標賽事想突破，「脈步 Trail Pulse」都希望成為你在山徑上的同伴——用每一下心跳，每一步腳印，去尋找屬於你自己的節奏與信念。

賽道總覽